Gran Turismo 7 yana o'yinchilarni hayratda qoldirmoqda
Polyphony Digital studiyasi Gran Turismo 7 o'yinining yuqori savdosidan hayratda ekanini bildirib, oktyabr va dekabr oylariga mo'ljallangan yangilanishlarni e'lon qildi.
2022-yilda o'yinchilar e'tiboriga havola etilgan Gran Turismo 7 avtosimulyatori kutilmaganda juda yuqori va barqaror natijalarni ko'rsatishda davom etmoqda. Polyphony Digital jamoasi loyihaning bunchalik uzoq vaqt mobaynida katta qiziqish uyg'otishini oldindan taxmin qilmagan edi. Hozirgi kunda ham ushbu videoo'yin o'z atrofida millionlab insonlarni jamlashda davom etmoqda va ijodkorlar foydalanuvchilar soni ortib borayotganini ta'kidlashmoqda.
Millionlab faol foydalanuvchilar va yuqori savdo ko'rsatkichlari
O'tgan yilning yakunida loyiha rahbari Kazunori Yamauchi OAV vakillari bilan suhbatda qiziqarli raqamlarni bo'lishgandi. Unga ko'ra, o'yin chiqqaniga bir necha yil bo'lganiga qaramay, har oyda ikki milliondan ortiq faol foydalanuvchi tizimga kirmoqda. Bu ko'rsatkich faqatgina tajribali va sodiq muxlislar bilan cheklanib qolmay, loyihaga ilk bor qo'shilayotgan yangi ishtirokchilarni ham o'z ichiga oladi. Yaqinda Traxion nashriga bergan intervyusida Yamauchi avtosimulyatorning savdo hajmi hamon yuqori darajada qolayotganini, jamoaning o'zi bunday natijani kutmaganini tan oldi.
Oktabr va dekabr oylariga mo'ljallangan yirik yangilanishlar
- 15-oktabr kuni «Spec IV Update Part 1» nomli yirik yangilanish chiqariladi
- Yangilanish doirasida Sportsland SUGO deb nomlangan Yaponiya trassasi qo'shiladi
- Avtopark Honda Step WGN Spada Premium Line 2023 modellari bilan boyitiladi
- Shuningdek, XIAOMI Vision Gran Turismo mashinasi o'yinga kiritiladi
- Dekabr oyida esa «Spec IV» yangilanishining ikkinchi qismi, jumladan Autumn Ring trassasi va boshqa funksiyalar taqdim etiladi
Foydalanuvchilar bazasining o'sishda davom etayotgani sababli, dastlabki rejalardan qat'i nazar, studiya loyihani qo'llab-quvvatlashni to'xtatmayapti. Muxlislar doimiy ravishda yangi o'yin rejimlari va qo'shimcha imkoniyatlar bilan ta'minlanmoqda. Bu esa Gran Turismo 7 loyihasining umrini yanada uzaytirib, uning zamonaviy poyga janridagi o'rnini yanada mustahkamlamoqda.
Yana o'qing
Denuvo hakerni topish uchun ortiqcha ma'lumot so'radi
Sud Denuvo kompaniyasidan voices38 hakerining shaxsini aniqlash uchun yuborilgan shaxsiy ma'lumotlar so'rovini qisqartirishni yoki asoslashni talab qildi.
Diablo uchun HD grafikali va rey-treysingli remeyk chiqdi
Entuziast Troygentic DevilutionX porti asosida Diablo 1 uchun HD-teksturalar, rey-treysing va onlayn kooperativni qo'shgan fan-remeyk taqdim etdi.
Command & Conquer olamiga asoslangan Firestorm shuti
Totem Arts jamoasi Unreal Engine 5 dvigatelida yaratilayotgan Command & Conquer olamidagi Firestorm otishmali o'yinining tafsilotlarini taqdim etdi.
Starfield uchun yuklash ekranisiz qo'nish modi yaratildi
Starfield o'yinida sayyoralarga yuklash ekranisiz va uzluksiz qo'nish imkonini beruvchi yangi modifikatsiya yaratilib, foydalanuvchilarga taqdim etilmoqda.