iPhone Duo ilk yilidayoq bozorda 25% ulush oladi

Counterpoint Research prognoziga ko'ra, Apple kompaniyasining ilk qatlanuvchi smartfoni iPhone Duo bozorga chiqqan ilk yilidayoq 6 million nusxada sotiladi.

Counterpoint Research tadqiqot kompaniyasi global qatlanuvchi smartfonlar bozori kelajagi bo'yicha o'zining yangi prognozini taqdim etdi. Hisobotga ko'ra, 2026-yil yakuniga qadar bunday turdagi qurilmalarning dunyo bo'ylab umumiy yetkazib berish hajmi 100 million donadan oshadi. Ushbu muhim marraga ilk tijoriy qatlanuvchi smartfon sotuvga chiqqan 2019-yildan keyin yetti yil o'tib erishiladi.

iPhone Duo savdo hajmi va narxi

Apple kompaniyasining ilk qatlanuvchi smartfoni bo'lmish iPhone Duo bozorga kirib kelgan ilk yilidayoq taxminan 6 million nusxada sotilishi kutilmoqda. Ushbu ko'rsatkich qatlanuvchi qurilmalar uchun nishonal segmentni tashkil etib, oddiy iPhone modellarining umumiy savdosidan sezilarli darajada past bo'ladi. Qurilma oktyabr oyida 2000 dollar narxda savdoga chiqarilishi rejalashtirilgan.

Prognozlarga ko'ra, agar Apple taqdim etilgan hajmda mahsulot sota olsa, uning global qatlanuvchi smartfonlar bozoridagi ulushi 25 foizni tashkil qiladi. Shu davrda Samsung 38 foizlik ko'rsatkich bilan yetakchilikni saqlab qolishi taxmin qilinayotgan bo'lsa, Huawei ulushi 22 foizga teng bo'lishi kutilmoqda. Shunga qaramamay, yakuniy savdo natijalari faqatgina iste'molchilar talabiga emas, balki ishlab chiqaruvchining yangi qurilma ishlab chiqarish quvvatlarini qanchalik tez kengaytira olishiga ham bog'liq bo'ladi.

IDC ma'lumotlariga ko'ra, 2026-yilda qatlanuvchi smartfonlar butun dunyo bo'ylab mobil qurilmalar bozorining 3 foizidan kamrog'ini egallaydi. Keyingi yil, ya'ni 2027-yilda ham ushbu ko'rsatkichda sezilarli o'zgarishlar kuzatilmasligi taxmin qilingan.

Texnik xususiyatlari va dizayni

• Ichki qismga buklanuvchi zamonaviy dizayn
• 7.6 dyuymli keng ichki ekran
• 5.4 dyuymli qulay tashqi displey
• Ikkala ekran uchun bir xil tomonlar nisbati
• Jismoniy SIM-karta uyasi mavjud emasligi va ikkita eSIM qo'llab-quvvatlashi

Tahlilchilarning qayd etishicha, qurilmaga bo'lgan boshlang'ich talabning asosiy qismi mavjud Apple foydalanuvchilari tomonidan shakllantirilishi mumkin. Shunga qaramamay, ushbu modelning global bozorga uzoq muddatli ta'siri hozircha noaniqligicha qolmoqda.