RoadCraft uchun Foundations qo'shimchasi chiqdi
Saber Interactive va Focus Entertainment kompaniyalari RoadCraft simulyatori uchun yangi xaritalar va texnikalarni o'z ichiga olgan Foundations Expansion…
Saber Interactive studiyasi va Focus Entertainment nashriyoti noyabr oyining boshida RoadCraft qurilish simulyatori uchun Foundations Expansion nomli yirik pullik qo'shimchani chiqardi. Yangi DLC o'yinga keng ko'lamli tiklash ishlari uchun mo'ljallangan hududlar hamda maxsus mashinalarni qo'shadi.
Yangi hududlar va vazifalar
To'plam tarkibidan maydoni 4 kvadrat kilometr bo'lgan ikkita yangi xarita o'rin olgan. Ularda o'yinchilar tabiiy ofatlardan zarar ko'rgan infratuzilmani tiklash va turli qurilish vazifalarini bajarish bilan shug'ullanadi.
Birinchi xarita Niderlandiyaning uzoq yillik inqirozdan chiqishga urinayotgan qishloq xo'jaligi hududiga bag'ishlangan. Kuchli dovul bu yerdagi yo'llar va inshootlarni vayron qilgan. O'yinchilar nafaqat talafotlarni bartaraf etishi, balki mintaqani mamlakatning ekologik markaziga aylantirishga yordam berishi kerak.
Ikkinchi hudud esa ilgari savdo va qishloq xo'jaligi rivojlangan go'sha bo'lib, tornado tufayli vayronaga aylangan. Bu yerda foydalanuvchilarni cho'l manzaralari, suv havzalari va shikastlangan sanoat obyektlari kutib oladi. Asosiy vazifalar qatoriga portlarni tartibga keltirish, uzoq nuqtalar bilan aloqani tiklash, yirik zavodlarni qayta ishga tushirish va umumiy ta'mirlash ishlarida qatnashish kiradi.
Maxsus texnikalar va dastlabki fikrlar
Yangi xaritalardan tashqari, Foundations Expansion o'yinga qurilish, logistika va infratuzilma loyihalari uchun mo'ljallangan yettita yangi texnikani ham olib kirdi. Ularning orasida quyidagi maxsus mashinalar mavjud:
- ALCES PL30C qoziq qoqish mashinasi
- EPEC MAG240 magnitli krani
- Voltrack MX beton qorishtirgichi
Hozircha RoadCraft uchun chiqqan yangi qo'shimcha Steam do'konida umumiy reyting shakllanishi uchun yetarli miqdorda fikr yig'ishga ulgurmadi. Shunga qaramay, dastlabki ijobiy sharhlardan birida o'yinchi loyihadagi barcha xaritalarning yarmi bir xil cho'l manzaralaridan iborat ekanligidan norozilik bildirgan.
Yana o'qing
GTA VI oldindan buyurtmalari 7,71 million nusxaga yetdi
Sensor Tower hisob-kitoblariga ko'ra, Grand Theft Auto VI raqamli oldindan buyurtmalari 7,71 million nusxaga yetib, 751 million dollar daromad keltirdi.
Modern Warfare 4 DMZ rejimida UAV minoralari qisqartirildi
Infinity Ward studiyasi Call of Duty: Modern Warfare 4 o'yinining DMZ rejimidagi balansni o'zgartirib, UAV minoralari sonini 40 foizga kamaytirdi.
itch.io bir necha terabayt past sifatli AI o'yinlarni o'chirdi
Mustaqil dasturchilar uchun mo'ljallangan itch.io platformasi generativ neyrotarmoqlar yordamida yaratilgan bir necha terabayt past sifatli kontentni olib tashladi.
The Witcher 3 remasteriga nega rasmiy chitlar qo'shildi
CD Projekt RED vakili Karolina Niewęgłowska The Witcher 3 remasteriga o'yinni osonlashtiruvchi Bard's Ballad rejimi nega qo'shilganini tushuntirdi.