GamingonPhone Awards 2026: Where Winds Meet g'olib bo'ldi
Bangkokda bo'lib o'tgan GamingonPhone Awards 2026 marosimida yilning eng yaxshi mobil o'yinlari e'lon qilindi, bosh mukofot Where Winds Meet loyihasiga nasib etdi.
28-oktabr kuni Bangkok shahrida o'tkazilgan oltinchi yillik GamingonPhone Awards marosimida o'tgan davr mobaynida e'tibor qozongan eng yaxshi mobil o'yinlar va ularning yaratuvchilari taqdirlandi. G'oliblarni aniqlash jarayoni mutaxassislar va o'yinchilar ishtirokidagi keng qamrovli ovoz berish asosida amalga oshirildi. Unga ko'ra, professional hakamlar hay'ati 50 foiz, o'yinchilar 40 foiz hamda tahririyat 10 foiz ovoz berish huquqiga ega bo'ldi.
Asosiy mukofotlar va bosh g'oliblar
Tadbirning eng nufuzli – "Yilning eng yaxshi mobil o'yini" bosh mukofoti EverStone Studio va NetEase Games ijodkorlari tomonidan ishlab chiqilgan Where Winds Meet ochiq dunyo RPG loyihasiga nasib etdi. Shuningdek, o'yinchilarning umumiy ovozi asosida aniqlangan tomoshabinlar e'tirofi Heartopia hayot simulyatoriga berildi. Doimiy qo'llab-quvvatlab kelinadigan loyihalar orasida esa Free Fire qirollik jangi tengsiz deb topildi.
Kutilmagan natijalar va eng yaxshi yangilanish
Marosimning eng muhim va qizg'in qismlaridan biri "Yil yangilanishi" nominatsiyasi bo'ldi. Unda Talking Tom Cat loyihasi Genshin Impact, Honkai: Star Rail, Wuthering Waves hamda Zenless Zone Zero kabi yirik raqobatchilardan o'zib ketib, eng yaxshi deb topildi. Bundan tashqari, turli yo'nalishlarda ham bir qator loyihalar g'oliblikni qo'lga kiritdi.
Xususan, Carmen Sandiego premium toifadagi eng yaxshi o'yin, TOEM: A Photo Adventure indie loyiha, Don't Starve Together esa eng innovatsion o'yin sifatida e'tirof etildi. Vizual dizayn yo'nalishida The Division: Resurgence, tovush dizaynida esa Arknights: Endfield ustun keldi. Zenless Zone Zero loyihasidagi roli uchun Erin Yvette eng yaxshi ovoz aktrisasi deb topildi, Honkai: Star Rail esa eng faol o'yinchi hamjamiyati mukofotini qo'lga kiritdi.
Shuningdek, Google Play Pass obunasi orqali taqdim etilgan Chants of Sennaar eng yaxshi obunali o'yin, Destiny: Rising eng yaxshi adaptatsiya, Mobile Legends: Bang Bang esa eng yaxshi kibersport loyihasi sifatida taqdirlandi. Wuthering Waves va Cyberpunk: Edgerunners krossoveri yilning eng yaxshi hamkorligi deb topilgan bo'lsa, Roco Kingdom eng kutilayotgan loyiha unvoniga sazovor bo'ldi.
Yana o'qing
Uncharted trilogiyasi Android qurilmalariga ko'chirildi
Entuziastlar PlayStation 4 uchun chiqarilgan Uncharted: The Nathan Drake Collection to'plamini Android tizimiga norasmiy port qildi.
EA kompaniyasi BioWare'ni yopib, Mass Effect'ni bekor qildi
Electronic Arts moliyaviy o'zgarishlar va Star Wars: Battlefront 3 loyihasiga ustunlik berish maqsadida afsonaviy BioWare studiyasini yopdi.
MiSide psixologik xorrori mobil qurilmalarga chiqadi
AIHASTO studiyasi o'zining mashhur MiSide psixologik xorrorini mobil qurilmalarga chiqarishini va uning taxminiy muddatini e'lon qildi.
Call of Duty MW4 dagi yangi xarita eski o'yinga o'xshaydi
Call of Duty: Modern Warfare 4 o'yinidagi yangi Backstab xaritasi 2005 yildagi Call of Duty 2 loyihasidagi Burgundy lokatsiyasining nuskasi bo'lib chiqdi.