GTA VI buyumlari eBay'da yuzlab dollarga sotilmoqda

Mayamida boshlangan Grand Theft Auto VI marketing kampaniyasi doirasidagi esdalik buyumlari eBay auksionlarida yuqori narxlarda sotilmoqda.

Grand Theft Auto VI o'yinining uzoq kutilgan relizi yaqinlashgani sari franshiza atrofidagi marketing kampaniyalari keng miqyosda qizg'in tus olmoqda. Xususan, o'yin voqealari uchun asos qilib olingan Mayami shahrida turli real tadbirlar hamda aksiyalar tashkil etilmoqda. Ushbu jarayonlar internet foydalanuvchilari va kolleksiyachilar e'tiborini tortib, o'ziga xos ikkilamchi savdo bozorining shakllanishiga sabab bo'ldi.

Mayamida ochilgan Burger Shot va eBay'dagi auksionlar

Yaqinda Mayami shahrida o'yin olamida keng tanilgan Burger Shot tez ovqatlanish restoranining real versiyasi ishga tushirildi. Biroq dunyoning turli burchaklarida istiqomat qiluvchi millionlab muxlislarning barchasida ham ushbu shaharga shaxsan borib, noyob esdalik buyumlarini to'g'ridan-to'g'ri o'z kolleksiyasiga qo'shish imkoniyati yo'q. Shu sababli ayrim tadbirkorlar va epchil foydalanuvchilar bu vaziyatdan unumli foydalanib, eBay savdo platformasida maxsus auksionlar tashkil etishdi va o'yin mavzusidagi buyumlarni savdoga qo'yishdi.

Ishlatilgan stakan va paketlar uchun yuzlab dollar stavkalar

• Vice City ramzlari tushirilgan maxsus porolon barmoqlar 500 dollardan oshiq summaga sotildi.
• Burger Shot logotipiga ega bo'lgan kartoshka fri uchun ishlatilgan qog'oz paketlar 150 dollardan ortiq narxlarda xarid qilinmoqda.
• Cluckin' Bell restoranining ishlatilgan stakachonlari uchun narxlar 400 dollargacha yetmoqda.
• Ayrim boshlang'ich e'lonlarda narxlar 80 dan 300 dollargacha belgilangan bo'lsa-da, savdo jarayonida bu summalar sezilarli darajada oshib bormoqda.

O'yinchilar va kolleksiyachilar ushbu o'ziga xos esdalik buyumlarini qo'lga kiritish uchun katta mablag' sarflashga tayyor ekanliklarini amalda ko'rsatishmoqda. Ma'lumot uchun, Rockstar Games tomonidan ishlab chiqilayotgan Grand Theft Auto VI loyihasining uzoq kutilgan rasmiy relizi 2026-yilning 19-noyabriga belgilangan bo'lib, o'yin dastlab PlayStation 5 hamda Xbox Series X|S konsollarida sotuvga chiqishi rejalashtirilgan.